Тутқун қилиниш хәвпидики қазақ музикант аял уйғур елида туруп хәлқарадин ярдәм тәләп қилған

Тутқун қилиниш хәвпи астида қалған үрүмчидики бир қазақ музикант аял, уйғур илидә туруп хәлқарадин ярдәм тәләп қилған. Чәт әл таратқулириниң билдүрүшичә, уйғур елидәк хитайниң “мутләқ сақчи системиси” дики бир районда туруп, хәлқара җәмийәткә ‍өзиниң тутқун қилинишидин сақлап қелишни чақириқ қилиш аз учрайдиған бир әһвал икән. Мәркизи прагадики “‍азадлиқ радийоси” ниң бәргән бу һәқтики хәвиридә, бу йил 47 яшлиқ қазақ жорналист вә музикант аял җанаргүл җүмәтайниң өткән һәптә чәт әлдики қазақлар билән алақлашқанлиқи сәвәбидин йәрлик аманлиқ органлириниң тутқун қилиш хәвпигә учрап, хәлқарадин ярдәм сориғанлиқини билдүргән.

Хәвәрдә ейтилишичә, җанаргүл җүмәтай хитай бихәтәрлик даирилириниң униңға әгәр у роһий кесәлләр дохтурханисиға тизимға алдурса “аман қалидиғанлиқи” ни ейтқанлиқи, шуңа хәлқара җәмийәттин өзиниң қазақистанға чиқип кетишигә ярдәм қилишни үмид қилидиғанлиқини билдүргән. У 2-январ күни данийәлик уйғуршунас руни стенберг билән телефонда сөзләшкәндә, униңға “әгәр мән йоқап кәтсәм яки ‍өлүп кәтсәм, дуняниң уларни җавабкарлиққа тартишини тәләп қилимән” дегән. “азадлиқ радий‍оси” ниң ейтишичә, җанаргүл җүмәтай өзиниң илгири хитайниң “қайта тәрбийәләш мәркәзлири” дәп аталған лагерлириниң биридә ятқанлиқини билдүргән.

Хәвәрдә, илгири бир мәзгил қазақистан радийо-телевизийә ширкитидә муһәррир болуп ишлигән җанаргүл җүмәтайниң ашкара болған хитайниң сақчи һөҗҗәтлиридә 2017-йили тутқун қилинғанлиқи қәйт қилинғанлиқини билдүргән. Униң делосиға қазақистан һөкүмитиниң қандақ инкас қайтуридиғанлиқи мәлум әмәс. Қазақистан техи өткән йили 10-айда б д т кишилик һоқуқ кеңиши бәзи ғәрб дөләтлириниң уйғур вәзийитини музакирә қилиш тәклип лайиһәсини авазға қойғанда, хитайни қоллап тәклип лайиһәсигә рәт авази бәргән иди.