Фирансийәдә өткүзүлгән әркинлик намайишиға уйғурларму иштирак қилди

Ихтиярий мухбиримиз һаҗи қутлуқ қадири
2015-10-12
Share

10-Өктәбир фирансийәниң париж шәһиридә өткүзүлгән әркинлик намайишиға уйғурларму иштирак қилди.

Баш штаби италийәдики сотсиял либерал партийәсиниң рәһбәрликидә италийә вә фирансийәдә чақирилған асия әллиридики езилгән милләтниң әркинлики вә һөрлүкүни қолға кәлтүрүшини мәқсәт қилған кәң көләмлик намайишқа фирансийәдә паалийәт елип бериватқан уйғур, тибәт, вийетнам қатарлиқ милләтләрниң кишилик һоқуқ тәшкилатлириниң вәкиллириму қатнашқан.

Бу қетимқи намайишқа қатнашқан фирансийә уйғур җәмийитиниң рәиси әркин аблимитниң билдүрүшичә, намайиш наһайити юқири кәйпият ичидә елип берилған болуп, намайишта уйғур елиниң һазирқи вәзийити һәққидә әтраплиқ доклат сөзләнгән.

Йилда бир қетим өткүзүлидиған бу намайишта, намайишчилар қоллирида тибәтниң роһаний даһийси далай лама билән мәшһур уйғур өктичи зиялийси илһам тохтиниң сүрәтлирини көтүрүшүп маңған.

Намайиш чүштин кейин саәт иккидин саәт бәшкә қәдәр давамлашқан болуп, намайишчилар париждики басти районидин репоблик мәйданиға қәдәр пиядә йол йүрүп, әркинлик шоарлирини товлишип маңған.

Биз бу намайиш һәққидә толуқ мәлуматқа еришиш үчүн телефон қилип, фирансийә уйғур җәмийитиниң рәиси әркин аблимит билән сөһбәт елип бардуқ.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт