Бир қолида бовиқини әркиләтсә, бир қолида туғини ләпилдитиватқан уйғур қизи

Хитайда олимпик өткүзүлүшигә қарши японийә уйғур җәмийитиниң орунлаштуруши билән 2008-йили язда елип берилған токйодики намайишида җәңгиварлиқ көрсәткән уйғур қизини кишиләр һазирғичә унтумайду.
Ихтиярий мухбиримиз һаҗи қутлуқ қадири
2013.01.29
gulistan-yaponiye-uyghur-jemiyiti-305.jpg Уйғур кишилик һоқуқ паалийәтлиридә актипчанлиқ вә җәңгиварлиқ көрситип кишиләрни тәсирләндүргән уйғур қизи гүлистан. 2013-Йили январ, токйо.
RFA/Qutluq Haji

Әйни вақиттики бир уйғур қизиниң бир қолида омақ, татлиқ бовиқини, бир қолида шәрқий түркистан байриқини көтүрүп, токйониң томуз күнидә рәстә-рәстиләрдә япон, уйғур әркәклири билән бирликтә “уйғурларға әркинлик!”, “яшисун шәрқий түркистан”, “шеһитләр өлмәс” дәп җәсуранә шоарларни товлап, мәрданә қәдәм ташлиған иш-излирини кишиләр һазирғичә һөрмәт туйғуси ичидә әслишиду. У болсиму, өзиниң оқуғучилиқ һаятидин та һазирғичә японийидики уйғур кишилик һоқуқ паалийәтлиригә актип қатнишип келиватқан, өзиниң омақ ялғуз қизиға атилиқ һәм анилиқ меһрини берип келиватқан японийидики уйғур қизи гүлистандур.

Уйғур қизи гүлистан японийә уйғур җәмийитиниң имза топлаш паалийитидә тавап қилғучиларға уйғур елидики уйғурларниң ечинишлиқ әһвалини тонуштурди. 2013-Йили 2-январ, токйо.
Уйғур қизи гүлистан японийә уйғур җәмийитиниң имза топлаш паалийитидә тавап қилғучиларға уйғур елидики уйғурларниң ечинишлиқ әһвалини тонуштурди. 2013-Йили 2-январ, токйо.
RFA/Qutluq Haji

Гүлистанниң уйғур кишилик һоқуқ паалийәтлиридики тәсирлик иш излири, актипчанлиқи, җәңгиварлиқи һәққидә дуня уйғур қурултийиниң муавин рәиси илһам мәхмут, тәтқиқат мәркизиниң муавин рәиси доктор турмуһәммәт һашимлар қисқичә тохтилип өтти.

Аваз улинишидин, гүлистан ханим билән елип барған сөһбитимизгә қулақ сайлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.