Рабийә қадир: “лүкчүн” вә “ханериқ” вәқәлири хитай дөләт террориниң нәтиҗиси

Пичан наһийиси лүкчүн базирида сақчиханиға һуҗум қилип көйдүрүлгән сақчи машинилири. 2013-Йили 26-июн.

Аңлиғучимиз йоллиған инкас хәттә баян қилинишичә, юқириқилар , җ х назарити тәрипидин тутуш буйруқи чиқирилған, хотән ханериқ вәқәсигә четишлиқ қечип йүргән гумандарларниң тизимликидур. Әмма тизимликтикиләрниң бу қетим йүннәндә тутулғанлар қатарида бар йоқлуқи мәлум әмәс.

Уйғур елиниң пичан наһийиси лүкчүн сақчиханиси алдида 2013-йили 6-айниң 26-күни сәһәрдә һуҗумчилар билән сақчилар оттурисида йүз бәргән тоқунушта җәмий 46 адәм өлгән, буниң 11 нәпири сақчихана хадимлири билән тоқунушқан уйғурлар болуп, улар нәқ мәйданда етип өлтүрүлгән иди. Лүкчүн вәқәси уйғур диярида 5-июл үрүмчи вәқәсидин кейинки әң чоң қанлиқ вәқәләрниң бири һесаблиниду. Хотән шәһири ханериқ базирида 28-июн җүмә намизидин янған яшлар билән уларни назарәт қилип маңған сақчилар оттурисида тоқунуш йүз берип икки адәм өлгән, көп адәм яриланған. Хитай даирилири бу вәқәләрни “террорлуқ вәқәси” дәп атиған иди.

Дуня уйғур қурултийиниң рәиси рабийә қадир ханим бүгүн радийомиз зияритини қобул қилип 3 йил аввал йүз бәргән 26-июн лүкчүн вәқәси билән 28-июн күни хотән шәһири ханериқ базирида йүз бәргән вәқәләр һәққидә тохталди вә бу вәқәләрдә һаятидин айрилғанларниң һәммиси “хитай дөләт террорлуқиниң қурбанлири дәп тонуймән” деди. Рабийә ханим бу вәқәләрниң хатириси мунасивити билән хәлқара җәмийәтни бу вәқәләрниң келип чиқиш сәвәби һәмдә бастурулуш җәрянлирини инчикилик билән көзитип, хитай һөкүмитиниң районда қаршилашқан уйғурларға “сотсиз өлүм” түзүмини қаттиқ иҗра қиливатқанлиқидәк қилмиши үстидин тәкшүрүш елип беришқа чақирди. У ахирида, уйғур хәлқини бу вәқәләрниң хатирә күнлиридә бу вәқәләрдики қурбанлар вә уларниң аилә тавабиатлирини унтуп қалмаслиқини тәшәббус қилди.

Диққитиңлар, мухбиримиз гүлчеһрәниң рабийә қадир ханим билән өткүзгән мәхсус сөһбитидә болсун.