Қәшқәр часа башқарма тәвәликидә йүз бәргән бир қанлиқ вәқә йошурулмақта

Мухбиримиз шөһрәт һошур
2014-09-12
Share
qeshqer-saqchi-herbiy-uyghur-qarshiliq.jpg Коча чарлаватқан хитай қораллиқ күчлири. 2014-Йили 3-март, қәшқәр.
Imaginechina


Иҗтимаий таратқуларда паш қилинишичә, 28 - авғуст күни хитайниң тәңритағ тори қәшқәрдә вәқә йүз бәргәнлики һәққидә бир хәвәр бәргән, әмма анчә узун өтмәйла хәвәр тордин өчүрүветилгән. Мухбиримиз бу йип учиға асасән ениқлашларни елип барди. Нәтиҗидә вәқәниң қәшқәр шәһиридики 1 - сақчихана тәвәликидә йүз бәргәнлики айдиңлашти.

Бу вәқәниң өз тәвәликидә йүз бәргәнликини инкар қилмиған мәзкур сақчихана хадимлири вәқәниң тәпсилати һәққидә мәлумат берәлмәйдиғанлиқини ейтти вә тәпсилатниң юқири органлардин сорилишини тәвсийә қилди. Мәлумки бу, хитай тәрәпниң районда йүз бериватқан қанлиқ вәқәләрни тунҗи қетим йошуруши әмәс.

Биз алди билән қәшқәр шәһиридики мәлум идариниң муқимлиққа мәсул хадими билән бу һәқтә сөһбәтләштуқ. Хадим, сөһбитимиз давамида, өзиниң йәкән вәқәси вә җүмә таһир вәқәсидин башқа йеңи вәқәләрдин хәвәрсиз икәнликини ейтти. Биз арқидин, қәшқәр шәһиридики бир сақчиханиға телефон қилдуқ. Телефонимзни алған сақчи хадими вәқәниң 1 - сақчихана тәвәликидә йүз бәргәнликини паш қилди. Телефонимизға җаваб бәргән хитай хадимму вәқәниң йүз бәргәнликини рәт қилмиди. У вәқәниң немә вәқә икәнлики һәққидики соалимизға, " тоғра чүшиниң, җаваб берәлмәймән" деди. Биз арқидин вәқәдә қанчә киши өлүп, қанчә киши яриланғанлиқини соридуқ; хадим бу соалғиму җаваб берәлмәйдиғанлиқини ейтти; арқидин вәқә йүз бәргән орунни соридуқ, у бу соалимизға "буниңғиму җаваб берәлмәймә"" деди. У һечбир җавабида "бундақ бир вәқә йүз бәрмиди" дейәлмиди, әксичә, вәқә һәққидә юқири органлардин, җүмлидин қоманданлиқ мәркизидин соришимизни тәвсийә қилди. Биз ахирида, униңдин вәқәдин хәвәрсизлики яки җаваб бериш һоқуқи йоқлуқини соридуқ. У бу вәқә һәққидә җаваб бериш һоқуқи йоқлуқини ашкарилиди.

Биз йәнә бир қатар телефон зиярәтлири арқилиқ, 1 - сақчихана тәвәликиниң шәһәрниң часа коча башқарма аһалиләр комитети икәнлики, вәқәниң һәзрәт йолида йүз бәргәнлики ениқланди. Әмма вәқәниң тәпсилати ашкариланмиди. Мәлумки бу хитай тәрәпниң районда юз бәргән қанллиқ вәқәләрни тунҗи қетим йошуруши әмәс. Техи икки айниң алдида қәшқәр өпкә кесәлликләр дохтурханиси алдида йүз бәргән 18 - 17 яшлиқ икки нәпәр яшни етиветиш вәқәсиму ахбараттин йошурулған, әмма мәлум мәзгилдин кейин елан қилған сот хәвәрлиридә мәзкур вәқәгә четишлиқ гумандарлар тилға елинған. Бу йил 3 - айниң 2 - күни ғулҗа шәһиридики бир су понкитиниң хадими 44 яшлиқ ғәйрәт аблким, 1 - март кунмиң вәқәсидин илһамлинип, шәһәрдики хитай аһалиләр қорусида пичақлиқ һуҗум елип барған, һуҗумда бир хитай көчмән өлгән, йәнә бири яриланған. Һуҗумчи ғәйрәт абликим, 6 - март күни әсир чүшкән. Бу вәқәму аридин бирқанчә ай өткәндә бәйду қатарлиқ хитай ғәйрий рәсмий ахбарат вастилиридә ашкариланған.

http://tieba.baidu.com/p/2906035982

http://www.myactimes.com/actimes/plus/view.php?aid=726625

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт