Asiyada erkinlik we démokratiye birliki yighinida Uyghurlar doklat berdi

Ixtiyariy muxbirimiz haji qutluq qadiri
2015.10.26
Share on WhatsApp
Share on WhatsApp
ilham-mexmut-sozde.jpg “Asiyada erkinlik we démokratiyini ilgiri sürüsh birliki” teshkilatining mu'awin re'isi ilham mexmut mezkur teshkilatning 5-nöwetlik yighinida échilish nutqi sözlimekte. 2015-Yili 20-öktebir, tokyo.
RFA/Qutluq

20-Öktebir tokyodiki takushoko uniwérsitétining yighin zalida “ Asiyada erkinlik we démokratiyini ilgiri sürüsh birliki” teshkilatining 5-nöwetlik yighini échildi.

Yighin'gha yaponiyede pa'aliyet élip bériwatqan asiya elliri kishilik hoquq teshkilatlirining wekilliri, tetqiqatchilar we parlamént ezaliridin bolup, jem'iy 80 ge yéqin kishi qatnashti.

Asiyada erkinlik we démokratiyini ilgiri sürüsh birliki teshkilati 2011-yili tokyoda tibetlerning teshebbusi Uyghur, mongghul, démokratik xitaylarning qollishi bilen qurulup yaponiyede pa'aliyet élip bériwatqan bolup, teywen, birma, butan, malayshiya, bén'gal we wiyétnam qatarliq döletlerning ammiwi teshkilatliri eza bolghan.

Bu qétimqi yighinda Uyghurlargha wakaliten Uyghur siyasiy aktipliridin gülistan xanim nöwette Uyghurlar duch kéliwatqan qosh tilliq ma'arip toghrisida doklat bergen.

Shu küni chüshtin kéyin sa'et birde bashlan'ghan yighinning échilish nutqini mezkur teshkilatning mu'awin re'isi ilham mexmut sözligen.

Ilham mahmutning bildürüshiche, yighinda Uyghur, tibet, démokratik xitay wekillirimu söz qilghan bolup, ular doklatlirida nöwettiki Uyghur, tibet we xitay puqraliri duch kéliwatqan türlük kishilik hoquq mesililiri toghrisida tepsiliy toxtalghan.

Yighinda Uyghurlargha wakaliten sözge chiqqan yaponiyediki Uyghur siyasiy aktipliridin gülistan xanim Uyghur élida élip bériliwatqan xitayning qosh tilliq ma'arip siyasitining mahiyiti toghrisida etrapliq doklat bergen. U doklatida, xitayning Uyghur ma'aripida élip bériwatqan “ Ménge yuyush”siyasitining yesli ma'aripidin toluq ottura mektep ma'aripighiche kéngeygenlikini tekitligen.

Ziyaritimiz jeryanida gülistan xanim, bu xildiki yighinlarda xitayning Uyghur tilini yoqitish üchün élip bériwatqan siyasitini pash qilishning özi, muhajirette élip bériliwatqan Uyghur kishilik hoquq pa'aliyetliridiki muhim heriketlerdin biri bolushi kéreklikini tekitlidi.

Axirida kishilik hoquq pa'aliyetchisi ilham mexmut, asiyada erkinlik we démokratiyini ilgiri sürüsh birliki teshkilatining yilda bir qétim chaqirilidighan bu yighinning
Ehmiyiti heqqide toxtaldi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.