Uyghur kadir: imamlirimda ashqunluqqa qarshi turushning özi ashqunliship ketti

Uchturpan nahiyesining imamlirim yézisida ötken yili 7‏-ayda qanliq toqunush yüz bérip, 15-20 dek adem ölgen. Weqede 8-9 neper hujumchi nopusining 99% ni Uyghurlar teshkil qilghan mezkur yézining 40% térilghu yérini igilep turghan 4 xenzu a'ilige hujum qilghan idi.

Bu weqedin kéyin xitay hökümiti mezkur yézida amanliq tedbirlirini kücheytken. Bu yézigha chüshken xizmet ömikini köpeytilip, yerlik déhqanlarning idiye we kündilik pa'aliyitige qarita kontrolluq kücheytilgen idi.

Yéqinda shinxu'a tori mezkur yézining ehwalini tonushturup, bu yézida yüz bergen yéqinqi bir yilliq özgirishni xewer qildi. Shinxu'a torining körsitishiche, ilgiri diniy ashqunluqning makani bolghan imamlirim hazir ittipaq we inaq yézigha aylan'ghan.

Emma yerlik ahalilerning chüshendürüshiche, bu ehwal mesilining bir teripi, xalas. Imanlirim yézisining ehwalidin xewerdar bir kadir, “Imamlirimda ashqunluqqa qarshi turushning özi ashqunliship ketti” dédi.

Tepsilatini yuqiridiki awaz ulinishidin anglighaysiler.