Уйғур академийәси тәсис қилған «тәвпиқ мукапати» ға илтимас қилиш рәсмий башланди

Ихтиярий мухбиримиз әркин тарим
2016-09-27
Share
Tewpiq-Mukapati-turkiyede-oqush.jpg Уйғур академийәси тәсис қилған «тәвпиқ мукапати» ға илтимас қилиш уқтуруши.
RFA/Erkin Tarim

Истанбулдики уйғур академийәси түркийәдики алий мәктәпләрдә бакалавр, магистир вә докторлуқта оқуватқан уйғур оқуғучилар үчүн тәсис қилған мәмәт ели тәвпиқ оқуш мукапатиға илтимас қилиш рәсмий башланди.

Мәзкур мукапатқа илтимас қилиш вақти 10-айниң 31-күнигичә давамлишидиған болуп, мәзкур мукапатқа илтимас қилидиған оқуғучилар биринчидин, чоқум түркийәниң алий мәктипидә өз хираҗити билән бакалаврлиқ, магистирлиқ вә докторлуқ унванлири үчүн оқуватқан болуши, иккинчидин һәрқандақ бир дөләт оргинидин оқуш мукапати яки оқуш ярдәм пули алмиған болуши, үчинчидин мәктәптики дәрсләрдә әла нәтиҗә қазинишни нишан қилипла қалмай, бәлки иҗтимаий мунасивәтләрдиму уйғур оқуғучиларға үлгилик иш һәрикәтләрдә болуши шәрт икән.

Биз бу мукапат һәққидә техиму тәпсилий мәлумат игиләш үчүн уйғур академийәси рәиси абдухәмит қарахан әпәнди, измир әгә университети оқутқучиси, профессор доктор алимҗан инайәт әпәндиләр билән сөһбәт елип бардуқ.

Абдухәмит қарахан әпәнди икки йилдин бери тарқитиливатқан тәвпиқ оқуш мукапат пулиға еришишниң шәртлири, соммиси вә оқуғучи сани тоғрисида тәпсилий мәлумат бәрди.

Профессор доктор алимҗан инайәт әпәнди тәвпиқ оқуш мукапат пулини күчәйтип техиму көп кишигә беришниң пайдилиқ болидиғанлиқини, шуңа сахавәтчи уйғурларниң уйғур академийәсини қоллап қуввәтлиши керәкликини тәкитлиди.

Мәмәт ели тәвпиқ оқуш мукапат пули уйғур академийәси тәрипидин 2014-йили тәсис қилинған болуп, һазирғичә 17 оқуғучиға берилгән. Бу йил илтимас қилған оқуғучилардин онни таллап беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.