Yawropa sherqiy türkistan ma'arip jem'iyiti “Hapizliq kursi” oqughuchilirini mukapatlidi

“Hapizliq kursi” ning oqughuchilirini ilhamlandurush yighinidin körünüsh. 2014-Yili awghust, gollandiye.

Gollandiyening otiréxt shehiride pa'aliyet élip bériwatqan yawropa sherqiy türkistan ma'arip jem'iyiti bu yil 2‏-aydin bashlap dawam qilip kéliwatqan “Hapizliq kursi” ning oqughuchilirini ilhamlandurush mukapati bilen teqdirlesh pa'aliyiti élip bardi.

Pa'aliyette hapizliq kursida oquwatqan oqughuchilar “Qur'an kerim” ayetliridin parchilar oqudi. Andin qariyliqqa dewet qilin'ghan mezmundiki erebche shé'irni jama'etke déklamatsiye qilip berdi. Pa'aliyet dawamida mezkur jem'iyetning telim-terbiye mes'uli abduraxman qarihajim söz qilip, qariliqning peziliti heqqide toxtaldi we köpchilikni bu shara'ittin ünümlük paydilinishqa chaqirdi.

Oqughuchilar qariylar teripidin qedirlinidighan, tejwid qa'idiliri éniq körsitilgen ölchemlik “Qur'an kerim” we neq pul bilen teqdirlendi.

Axirida, “Hapizliq kursi” ning oqughuchiliri ata, aniliri we ustazliri bilen birlikte xatire resimge chüshti.