Кабулда паһишихана ачқан хитай аял 11 йиллиқ қамақ җазасиға һөкүм қилинди

Хитай күндилик гезитиниң хәвәр қилишичә, җүмә күни чуңчиң шәһәрлик сот мәһкимиси, афғанистанниң пайтәхти кабул шәһиридә бир нәччә паһишихана ачқан бир хитай аялни 11‏ йиллиқ қамақ җазасиға һөкүм қилған.
Мухбиримиз өмәр қанат хәвири
2008.06.28

 Хәвәрдә ейтилишичә, шаңхәйдин ваң мин кабулда ресторан вә кафехана нами астида паһишихана ечиш вә хитайниң чуңчиң шәһиридин 40 яштин ашқан ишсиз аялларни афғанистанға елип келип паһишә қилип ишлитиш билән әйибләнгән.

Ваң минниң бир ярдәмчиси болса, 6 йиллиқ қамақ җазасиға һөкүм қилинған. Кабул шәһиридә түрк ресторанни берлин ресторани қатарлиқ намлар астида паһишхана ачқан ваң мин өткән йили өктәбир ейида афған һөкүмәт даирилири тәрипидин тутулуп хитай һөкүмитигә тапшуруп берилгән иди.

Хәвәрләргә қариғанда, һелиму кабулда нурғунлиған хитай паһишиләр мәвҗут болуп, ройтерис агентлиқиниң хәвәр қилишичә өткән ай кабулдики бәзи хитай паһишиләр мәзкур агентлиқиниң мухбириға киримлириниң яхши икәнликини әмма бихәтәрлик сәвәбидин анчила өйдин ташқири чиқалмайдиғанлиқини билдүргән.
Мунасивәтлик хәвәрләр
Оттура асия хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.