Erzdar obulhesen abdukérim: "Döletning qanun-tüzümi küchke igimu yaki uni depsende qilidighan naheq hökümmu?"

Muxbirimiz qutlan
2014-01-27
Élxet
Pikir
Share
Print
Obulhesen abdukérimgha xoten wilayetlik méyipler jem'iyiti teripidin bérilgen méyiplik kinishkisi.
Obulhesen abdukérimgha xoten wilayetlik méyipler jem'iyiti teripidin bérilgen méyiplik kinishkisi.
RFA/Qutlan

Obulhesen abdukérim buningdin 10 yil burun kent kadirliri teripidin dumbalinip normal bir insandin méyiplik qismitige duchar qilin'ghan. Buning bilen uning uzaqqa sozulghan heq-telep dewasi bashlan'ghan. Qanuniy hoquq-menpe'itini qoghdash yolida élip bérilghan tinimsiz dewa uni addiy bir déhqandin dangdar erzdargha aylandurghan.

Xotenning lasguy yézisidin bashlan'ghan obulhesenning erz-dewasi Uyghur aptonom rayonining merkizi ürümchigiche, u yerdin hetta béyjingdiki aliy sot we sehiye ministirliqighiche yétip barghan. Sehiye ministirliqi bilen aptonom rayonluq yuqiri sotning mezkur déloni qayta tekshürüsh toghrisidiki qararlirini yerlik hökümet orunliri türlük bahane-sewebler bilen ijra qilmighan. Bu naheq déloda ichki menpe'et birliki tüpeyli ijtima'iy tor quruwalghan yerlik da'iriler bilen sehiye orunliri qanunni qayrip qoyup ré'alliqqa köz yumghan. Buning bilen obulhesen abdukérimning naheq délosi hel bolmay 10 yilgha sozulup ketken.

Amalsiz qalghan obulhesen bu naheq déloni yéqinda torda élan qilghan. Qisqa waqit ichide 60 mingdin artuq tor ziyaretchiliri uninggha hésdashliq bildürüp inkas yazghan. Obulhesen abdukérim bu munasiwet bilen yéqinda radi'oyimizning téléfon ziyaritini qobul qildi hemde özining 10 yilgha sozulghan naheq délosi heqqide melumat berdi.

U ziyaritimiz jeryanida özining uzaqqa sozulghan erz-dewasining tüp meqsiti heqqide toxtilip mundaq dédi: "Döletning qanun-tüzümi küchke igimu yaki uni depsende qilidighan naheq hökümmu? men mushu so'alning jawabigha érishmekchi!..."

U yene özining eslide saq-salamet we normal bir insandin méyipla aylandurulghanliqi, 10 yil jeryanida erz-dewa üchün töligen éghir bedelliri, özi we pütün a'ilisining iqtisadiy, jismaniy we rohiy jehettiki ziyanliri üchün qanun boyiche 12 milyon som tölem telep qilidighanliqini bildürdi.

Tepsilatini awaz ulinishtin anglighaysiz.

Toluq bet