«ساختا» قىرغىزىستان پاسپورتى بىلەن ھەج سەپىرىگە ئاتلانغان 98 ئۇيغۇر ئاتاتۈرك ئايرودرومىدا توسۇۋېلىندى

مۇخبىرىمىز شۆھرەت ھوشۇر
2016-05-17
Share
hej-musulman-mekke.jpg ھەج پەرزىنى ئادا قىلىش ئۈچۈن ھەرەمگە كەلگەن مۇسۇلمانلار ئەرەفاتتا تۇرماقتا. 2012-يىلى 25-ئۆكتەبىر، سەئۇدى.
AFP

مەلۇم بولۇشىچە، خىتاينىڭ دىنىي چەكلىمىلىرى تۈپەيلى قىرغىزىستان ساختا پاسپورتى بىلەن ھەج سەپىرىگە ئاتلانغان 98 نەپەر ئۇيغۇر بۈگۈن 17‏-ماي كۈنى چۈش مەزگىلىدە ئىستانبۇلدىكى ئاتاتۈرك ئايرودرومىدا توسۇۋېلىنغان.

سەئۇدىدا ياشاۋاتقان ئۇيغۇرلاردىن ئەخمەت مۆمىن ئەپەندىنىڭ بىلدۈرۈشىچە، بۈگۈن جىددىدە ئايرودرومىغا ئۇرۇق-تۇغقان ۋە تونۇشلىرىنى كۈتۈۋېلىش چىققان 40-50 چە ئۇيغۇر ئايرودرومدىن قۇرۇق قول قايتقان.

مەلۇم بولۇشىچە، توسۇۋېلىنغان 98 ئۇيغۇرنىڭ كۆپىنچىسى ياشانغانلار بولۇپ، ئۇلارنىڭ خىتايغا قايتۇرۇلسا جازالىنىش ئېھتىماللىقى ئۇرۇق-تۇغقانلىرىنى ئەندىشىگە سالماقتا. دۇنيا ئۇيغۇر قۇرۇلتىيىنىڭ مۇئاۋىن رەئىسى سېيىت تۈمتۈرك ئەپەندى، ئەھۋالدىن يېڭىدىن خەۋەر تاپقانلىقىنى ۋە بۇنى تۈركىيەنىڭ ئالاقىدار ئورۇنلارغا يەتكۈزىدىغانلىقىنى بىلدۈردى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت