Сабиқ сақчи башлиқи ваң лиҗүн 4 түрлүк җинайәт билән әйиблинип 15 йиллиқ қамаққа һөкүм қилинди

Сабиқ сақчи башлиқи ваң лиҗүн, бүгүн йәни дүшәнбә күни ахирқи қетим сотлинип, 15 йиллиқ қамаққа һөкүм қилинған, чеңду шәһәрлик оттура сот мәһкимиси тәрипидин сотланған ваң лиҗүн, йүз хатирә қилип қанунни бузуш, һоқуқини суйистимал қилиш, хаинлиқ қилип қечиш вә парихорлуқ қатарлиқ 4 түрлүк җинайәт билән әйибләнгән, сиясий һоқуқидин бир йиллиқ мәһрум қалдурулған.
Мухбиримиз шөһрәт һошур
2012-09-24
Share

Ваң лиҗун бу йил феврал ейида чеңдудики америка консулханисиға қечип кирип, чуңчиң шәһириниң партком секретари бө шиләйниң аялиниң қатиллиқ делосини паш қилған, бө шиләйниң аяли гу кәйләй өткән айда сотлинип, кечиктүрмә өлүм җазасиға һөкүм қилинған иди.

Хитайчә б б с ниң бүгүнки бу һәқтики хәвиридә билдурүшичә, ваң лиҗүн сотниң һөкүмигә наразилиқ билдүрмигән. Көзәткүчиләр, ваң лиҗүнниң һөкүмгә наразилиқ билдүрмәсликни һөкүмгә қайиллиқтин әмәс, бәлки хитай сотиниң адаләтсизликини билгәнлики үчүн дәп қарашмақта. Көзәткүчиләр йәнә, ваң лиҗүн дилосиниң нәтиҗисигә асасән һазирғичә пәқәт интизам җазаси берилгән, сабиқ партком секретари бө шиләйниңму җинайи җазаға тартилишиниң еһтималға йеқинлиқини пәрәз қилишмақта. Мәлум болушичә, ваң лиҗүнниң пара алған пулниң омуми соммиси 30 милйон 500 миң сом икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт