RFA
Xitayning mekit nahiyelik sot mehkimisi, aldinqi yili mekitte yüz bergen pahishexanigha hujum qilish weqesidiki bash gumandarni qatilliq bilen eyiblep, uning dostlirini térrorluq bilen eyibligen idi.
Muxbirimizning bu heqtiki ilgirilep sürüshte qilishi dawamida, atalmish térrorluqning pakitlirimu otturigha chiqti. Melum bolushiche, abdukérim seydin qatarliq dostlar, nahiye baziridiki bir dukanda söhbetliship olturup, nahiyining emeldarliridin nurmemet jüme we jür'et sayimlar üstidin shikayet qilghan. Ular söhbet dawamida, mezkur ikki emeldarning saqal we ropash mesilisidiki zorawanliqlirigha naraziliq bildürüp, kimki bu xil kishilerning edipini berse, buninggha axirette ejri bérilidighanliqini otturigha qoyghan.
Melum bolushiche, mana bu pikir, xitayning mekit nahiyilik sot mehkimisi teripidin térrorluqqa pakit qilip körsitilmekte, emma qeshqer ottura ottura sot mehkimisi, buning térrorluqqa yéterlik derijide pakit bolalmaydighanliqini ilgiri sürüp, térrorluq hökümini ret qilmaqta.
Yuqiridiki awaz ulinishidin,muxbirimizning bu atalmish pakitlar heqqide teyyarlighan programmisini anglaysiler.
