Хитайниң зәһәрлик чекимлик чәккүчиләрни тәҗрибә қорали қилип қолланғанлиқи тәнқид қилинди

Кишилик һоқуқни көзитиш тәшкилати америка “илим-пән” журнилида пәйшәнбә күни тәнқид мақалиси елан қилип, америка һөкүмити хираҗәт билән тәминлигән бәзи теббий тәтқиқат түрлириниң хитайдики зәһәрлик чекимлик йиғивелиш орунлирида елип берилғанлиқи вә зәһәрлик чекимлик чәккүчиләрни тәҗрибә қилип, кишилик һоқуққа таҗавуз қилғанлиқини тәнқид қилған.
Мухбиримиз әркин
2012-08-03
Share

Бу йил 4‏-айниң 13‏-күни мәзкур журналда елан қилинған теббий тәтқиқат доклати, бейҗиңға җайлашқан икки йиғивелиш орнидики 66 нәпәр зәһәрлик чекимлик чәккүчи үстидин елип берилған тәҗрибигә асасән һазирланған.

Кишилик һоқуқни көзитиш тәшкилатиниң саламәтлик вә кишилик һоқуқ ишлириға мәсул хадими җов амон хитай данилирини тәнқидләп, бу икки йиғивелиш орнидики зәһәрлик чекимлик чәккүчиләрниң нормал тәртипкә асасән йиғивелинмиғанлиқини илгири сүргән.

У ройтерс агентлиқиға бәргән бу һәқтики баянатида әскәртип, йиғивелиш орнидики бу кишиләрниң йепиқ орунларда тутуп турулидиғанлиқи, бу орунлардики кишилик һоқуққа бузғунчилиқ қилмишлирини тәкшүрүшкә йол қоюлмайдиғанлиқини билдүргән. Җов амон, “илим-пән” журнилида елан қилинған тәнқид мақалисидә йәнә, бу орундики зәһәрлик чекимлик чәккүчиләрниң үз ихтиярлиқи билән яки мәҗбури тәҗрибә қилинғанлиқи мәлум әмәсликини илгири сүргән.

Мәзкур тәтқиқат түригә бейҗиң университетиниң 11 нәпәр тәтқиқатчиси вә америка тәрәптин икки нәпәр мутәхәссис қатнашқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт