Bérmining zembirek oqi xitay chégrisidin ötüp köp ademni yarilandurdi

Birleshme agéntliqining béyjingdin bayan qilishiche, bérmida hökümet qisimliri bilen kokang rayonidiki yerlik qisimlar otturisida bügünmu urush boliwatidu. Yünnen qizil kiris jem'iyitining mu'awin bashliqi xé yongchünning én'gilizche chiqidighan 'xelq géziti'ge sözlep bérishiche, bérma tereptiki étishish tünügün kéchide birdem toxtighandin kéyin, bügün etigen sa'et 8 lerde yene bashlan'ghan.
Muxbirimiz weli
2009-08-30
Share

Bérmining zembirek oqliri xitay chégrisidin ötüp bir ademni öltürgen we köp ademni yarilandurghan. Bügün yünnendiki jénkang doxturxanisigha élip kélin'gen yaridar sani20 din ashqan.

Yünnen TV istansisining bayan qilishiche, bérmida qoralliq toqunush yüz bergendin kéyin, kokang rayoni quruq sheherlerge aylan'ghan. Yünnende 7 orunda tesis qilin'ghan musapirlar lagéri hazir kokangdin qachqan xitaylarni qobul qilip, ulargha turar jay, yotqan - ediyal we her küni 8 yüendin tamaq puli bériwatidu.

B b s élan qilghan mulahizilerge qarighanda, eger bérma qisimliri herikitini toxtatmisa, bérmida omumyüzlük ichki urush partlash we bu urush etrapqa kéngiyish éhtimali bar.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet