Bu yil Uyghur rayonida yötkep ishqa orunlashturush yene dawam qilmaqchi

Tengritagh xewerler toridin melum bolushiche, 25 - yanwar küni Uyghur aptonom rayonluq hökümet adem küchi we ijtima'iy kapalet xizmiti yighini achqan bolup, yighin mezmunidin qarighanda, Uyghur yéziliridiki bir milyon 200 ming éshincha emgek küchi sirtqa yötkep ishqa orunlashturulidiken.
Muxbirimiz irade
2010-01-28
Share

Buning ichide 700 ming kishi sheher, bazarlargha yötkep ishqa orunlashturulidiken. Emma xewerde bu kishilerning zadi qaysi sheher, bazarlargha yötkilidighanliqi heqqide éniq bir nerse déyilmigen.

Xewerde yene, bu yil aptonom rayon boyiche bir milyon 200 ming kishi türlük kesipler boyiche terbiyilinidu, déyilgen bolup, radi'omizgha kelgen inkaslardin melum bolushiche, bu xil "türlük kesipler boyiche terbiyilesh" ichkirige yötkep bérilidighan éshincha emgek küchlirini ichkiridiki zawutlarning éhtiyajigha asasen terbiyileshni asasiy meqset qilidiken.

Xitay hökümiti yürgüzüwatqan Uyghur éshincha emgek küchlirini sirtlargha yötkesh xizmiti xelq'ara kishilik hoquq organliri we Uyghurlarning izchil tenqidige uchrap kelgen idi. Emma yéqinda shinjang gézitide élan qilin'ghan xewerde, Uyghur aptonom rayoni emgek küchi bayliqi we ijtima'iy kapalet nazaritining déhqan ishlemchiler xizmitige mes'ul emeldari wu yünxu'aning "uzun - muddetlik we muqim ishqa orunlashturushni nishan, aptonom rayon ichide ishlitish bilen özige yéqin etraptin ish tépip bérishni yölinish qilidighanliqi"ni tekitligenliki ilgiri sürülgen bolsimu, emma Uyghurlarni sirtlargha yötkesh xizmiti yenila dawamlashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet