Хитай мәркизи телевизийисиниң чағанлиқ программиси уйғурларниң тәнқид вә мәсхирисигә учриди

Хитай мәркизи телевизийисиниң, 9-феврал күни тарқатқан чағанлиқ программисида, ават наһийисидики бир уйғур аилиси тонуштурулуп, бу аилә әзалириниң һарақ ичип йәни ромка соқуштуруп чағанни тәбриклигәнлики вә инақ җәмийәт үчүн тиләкдашлиқ билдүргәнлики көрситилгән.
Мухбиримиз шөһрәт һошур
2013.02.11

Уйғурбиз ториниң бу һәқтики хәвиридә билдүрүлүшичә, программиниң мәзкур парчиси уйғур көрүрмәнләр арисида күчлүк ғулғула қозғиған. Безиләр, уйғурларда чаған тәбрикләш адити йоқлуқини, болупму бир аилә әзалириниң бирликтә һарақ ичиш адити йоқлуқини тилға елип, хитай мәркизи телевизийисини сахтипәзлик билән әйиблигән.

Безиләр болса, хитайдики асаслиқ бир телевизийиниң уйғур хәлқиниң әң әқәллий адәтлиридинму хәвәрсизликини мәсхирә қилған.

Йәнә безиләр болса хитай тәшвиқат органлириниң мана мушундақ сахта көрүнүшләр арқилиқ хитай өрп-адәтлирини уйғурларға сиңдүрүшкә урунуватқанлиқини тәнқид қилған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.