Chaghanda Uyghur élidin xitaygha emgek küchlirini yötkesh kücheytildi

Qeshqer hökümet uchur toridin ashkarilinishiche, xitayning chaghan bayrimi kélishi bilen,xitay hökümiti Uyghur emgek küchlirini xitay ölkilirige yötkeshni téximu kücheytken bolup, qeshqerning poskam nahiyisidinla 700 neper déhqan emgek küchlirini yiqqan bolup ular mushu bir nechche kün ichide xitayning shendung, jyangsu qatarliq ölkiliridiki zawutlargha yolgha sélinidiken.
Muxbirimiz gülchéhre
2009-01-27
Share

Qeshqerdiki emgek küchi yötkeshke mes'ul da'iriler,emgek küchlirini xitaygha yötkesh salmiqini saqlap dawamlashturush üchün öymu ‏ - öy kirip éshincha emgek küchlirini tizimlash, tekshürüsh ishlirini jiddiy élip barmaqta iken.

Chaghan harpisida ili oblastliq ayallar birleshmisimu mexsus yighin chaqirip ayal emgek küchlirini sirtlargha yötkilip ishleshke righbetlendürüshni muzakire qilghan. Oblast buyiche bu yilda éshincha emgek küchlirini sirtlargha yötkep ishqa orunlashturush siyasitige masliship, bolupmu yéza ‏ - qishlaqlardiki ayallarning köprek yötkilishini ishqa ashurush pilanini tüzgen.

Xitay hökümitining mezkur siyasiti Uyghurlar shundaqla xelq'ara jem'iyetning tenqidige uchrap kéliwatqan bolsimu,xitay da'iriliri Uyghur éli éshincha emgek küchlirini sirtlargha yötkesh siyasitini izchil halda kücheytip barmaqta.

Xitay hökümiti bu yilmu Uyghur élidin bir milyon 250 ming adem qétimdin artuq sirtlargha yötkep ishqa orunlashturushni pilan qildi shundaqla merkezlik halda Uyghur élining jenubidiki Uyghur qizlarni xitay zawutlirigha yötkep barmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet