Chén gu'angchéng jaylashqan yézisida ensizlik höküm sürmekte iken

Birleshme agéntliqining xewer qilishiche, chénning mehellisidiki déhqanlar uning ismini tilgha élishqimu pétinalmaydiken. Hetta chén gu'angchéngning anisimu uning yurtigha qayta kelmeslikini xalaydiken.

Xewerde neqil qilishiche, déhqan lyu wénsey: hökümet bu ema kishini közitishke bek köp pul serp qilghan idi, dégen, emma yallan'ghan chomaqchilar heqqide bir nerse déyishni ret qilghan.

Chén gu'angchéng xitaydiki pilanliq tughut siyasitige qarshi chiqqan adwokatlarning bir idi. U 2006 - yildin buyan hökümet da'irilirining her xil zorluq - zombuluqlirigha uchrighan.

Chén bir yérim ayning aldida shendungdiki nezerbendtin qéchip, béyjingdiki amérika elchixanisigha kiriwalghan bolup, bu amérika - xitay arisida bir mezgil diplomatik jiddiylik peyda qilghan.

Chén gu'angchéng 10 nechche künning aldida amérikigha kélip yerleshken we nyu - york uniwérsitétida ziyaretchi alim süpitide qanun ögenmekte idi.