Хитай һәрбий даирилири уйғур елниң җәнубидики чегра әтрапида семиз алақә сигналлирини тәкшүргән

Хитай һәрбий даирилири уйғур елниң җәнубидики чегра әтрапида семиз алақә сигналлири вә електр долқунлириниң чегра ичидики районларға кириш әһвални тәкшүргән. Тәкшүрүш нәтиҗиси вә анализлар архиплаштурулған. Тәкшүрүш қәшқәр, ақсу, хотән вә қизилсу районлириниң чәтәлләр билән тутишидиған җайлирида елип берилған. Тәкшүрүшни хитайниң җәнубий уйғур елидә турушлуқ һәрбий қисми радио долқунлирини башқуруш әтрити үстигә алған.
Мухбиримиз җүмә
2010.07.31

Даириләр мәзкур районлардики оттура долқун, қисқа долқун вә микро радио долқунлириниң тарқилиш әһвалини тәкшүргән. Хәвәрдә тәкшүрүшниң " җәнубий шинҗаңдики чегра районларниң һалқима тәрәққияти вә мәңгүлүк әминликни илгири сүрүш" мәқситидә елип берилғанлиқи илгири сүрүлгән. Хитай даирилири уйғурларниң демократийә вә әркинлик еңиниң тәсиригә учрап кетишидин қаттиқ әнсирәйдиған болғачқа, уйғур елидә ғәрбтики әркин мәтбуатларниң радио долқунлирини қаттиқ тосуп келиватқан иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.