Хитай һиндистан ташқи ишлар министириниң далай лама билән көрүшкәнликигә наразилиқ билдүрди

Һиндистан ташқи ишлар министири Nirupama Rao, шәнбә күни дарамсаладики тибәт сүргүн һөкүмити қараргаһини зиярәт қилип, далай лама билән көрүшкән вә бир йерим саәт сөһбәт өткүзгән. Сөһбәткә тибәт сүргүн һөкүмитиниң баш министири вә далай ламаниң баянатчисиму иштрак қилған. Йиғиндин кейин тибәт тәрәп мухбирларниң соалиға бәргән җавабида, мәзкур сөһбәтниң икки тәрәпниң ортақ мәнпәәтлири үстидә елип берилғанлиқини билдүргән.

Мухбиримиз шөһрәт һошур
2010-07-13

Хитай ташқи ишлар баянатчиси бүгүн бу сөһбәткә қарита наразилиқ билдүргән. У сөзидә һиндистанниң хитайниң дөләт пөтүнлүкини етирап қилған бир дөләт икәнликини әскәртип, тибәт мәсилисидә бәргән вәдисидә турушқа чақирған.

Һиндистан ташқи ишлар министириниң бу қетим далай лама билән өткүзгән сөһбити, һиндистан дөләт бихәтәрлик мәслиһәтчиси бейҗиңни зиярәт қилип бир һәптидин кейин елип берилған.