فىلىپپىن پالاۋان ئاراللىرىدا چەتئەل شىركەتلىرى بىلەن ھەمكارلىشىپ نېفىت قازماقچى

فىلىپپىننىڭ ئېنېرگىيە مىنىستىرى ئالمېندراس بۈگۈن خەلقئاراغا، فىلىپپىن ئۆزىنىڭ پالاۋان ئاراللىرىدىكى ئىككى ئارالدا، چەتئەل شىركەتلىرى بىلەن ھەمكارلىشىپ نېفىت ۋە تەبىئىي گاز قازىدۇ دەپ جاكارلىدى.
مۇخبىرىمىز ۋەلى
2012.02.29

خىتاي تاشقى ئىشلار مىنىستىرلىقىنىڭ باياناتچىسى خۇڭ لېي بۇنىڭغا دەرھال قارشى تۇرۇپ، فىلىپپىن دەۋاتقان بۇ ئاراللار خىتاينىڭ زېمىنى، باشقا دۆلەت بۇنىڭغا ئىگىدارچىلىق قىلالمايدۇ دەپ جاكارلىدى.

فىلىپپىن تاشقى ئىشلار مىنىستىرى روبرت روسارىئو خىتايغا جاۋاب قايتۇرۇپ، پالاۋان ئاراللىرى فىلىپپىندىن 47-76-دېڭىز چاقىرىمى يىراقلىقتا، خىتايغا تېخىمۇ ئېنىق قىلىپ ئېيتىش كېرەككى، بۇ ئاراللار «خەلقئارا دېڭىز قانۇنى» دا بەلگىلەنگەن 200 دېڭىز چاقىرىم دائىرە ئىچىدىكى فىلىپپىن زېمىنى..بۇ دائىرىدىن پايدىلىنىش فىلىپپىننىڭ دەخلى-تەرۇزسىز ھوقۇقى دەپ جاكارلىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.