Һеларий клинтон яң җйечи билән көрүшүп, google мәсилиси һәққидә сөзләшти

Клинтон ханим ахбарат елан қилиш йиғинида мухбирларниң бу һәқтики соалиға җаваб берип, сөһбәт җәрянида өзиниң google вә интернет әркинлик мәсилисини оттуриға қойғанлиқини вә тәрәпләрниң бу мәсилә үстидә давамлиқ сөзлишишкә келишкәнликини билдүргән.

Һеларий клинтон йәнә "мән интернет ишлитидиған һәр қандақ кишиниң тәкшүрүш вә зәрбигә учримаслиқиға капаләтлик қилиш һәммә адәм көңүл бөлидиған мәсилә дәп қараймән "дегән. Клинтон ханим йеқинда америка нюзиюм ахбарат музийида сөз қилип, хитайниң интернет әркинликигә чәклимә қоюш сияситини тәнқидлигән вә google ниң һуҗумға учраш вәқәси үстидин тәкшүрүш елип беришни тәләп қилған иди.

Җүмә күни америкиниң бейҗиңдики әлчиханисиниң баянатчиси сузан стивенсон америка ахбарат вастилириға мәлумат берип, америка һөкүмитиниң интернет бихәтәрлик мәсилисини хитайниң алдиға қойғанлиқини шундақла бейҗиң вә вашингтонда тор әркинлики, торни контрол қилиш, хаккерларниң һәрикити қатарлиқ мәсилиләрдә хитай тәрәп билән дейишкәнликини билдүрди.

Америка әлчиханисиниң баянатчиси йәнә, "сөз әркинлики америкиниң нигизлик қиммәт қарашлириниң бири, тор әркинлики болса сөз әркинликиниң бир қисимидур" дегән.