Xitayda intérnét saqchiliri nahiyilergiche kéngeymekchi

Xitayda chiqidighan "közitish" heptilik zhurnilining élan qilishiche, intérnét saqchiliri xitayda her qaysi nahiyilerge qeder köpeytilmekchi. Yéqinda béyjingda échilghan, xitayning döletlik siyasiy qanun yighinida, jama'et xewpsizlik ministirliqi intérnét saqchilirining rolini kücheytish pikirini otturigha qoyghan.
Muxbirimiz shohret hoshur
2010.01.05

Pikirde QQ tor guruppisini qattiq nazaret qilish, shexsiy bloglarni tekshürüp turush, torda gherezlik guruh we teshkilatlarning pa'aliyitini közitip turush, buning üchün intérnét saqchilirini nahiyilerge qeder wezipilendürüsh teshebbus qilin'ghan.

Uyghur rayonida intérnét yérim yilgha yéqin waqittin béri taqiwétiklik. Xitay gerche ötken hepte buningdin kéyin intérnétning qismen échilidighanliqini bildürgen bolsimu, hazirghiche Uyghurche torlarning héchbirsi échilghini yoq.

Xitayning intérnétni qamal qilishi yalghuz Uyghurlarghila emes, xitayning Uyghur élidiki köpligen shirketlirigimu éghir ziyan séliwatqanliqi, shunglashqa bir türküm shirketlerning Uyghur élidin ayrilghanliqi melum bolmaqta. Bu sewebtin xitayning intérnét saqchilirini nahiyilerge qeder köpeytish charisining qanchilik mezgil emeliylishish mumkinchiliki guman tughdurmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.