Ирақ пайтәхти бағдадта партлаш йүз бәрди

Бирләшмә агентлиқиниң хәвәр қилишичә йәкшәнбә күни ирақ пайтәхти бағдад шәһири мәркизидики үч җайда өзини өлтүрүш характерлиқ партлаш йүз берип, аз дегәндә 42 адәм өлүп, көп санда адәм яриланған.
Мухбиримиз үмүдвар
2010-04-04
Share

Б б с агентлиқиниң хәвиридә ейтилишичә, бу партлашларниң бири ирақ хәлқ қурултийи дәп аталған сиясий партийиниң бинаси йенида партлиған болуп, мәзкур бинада ишләватқан бир қисим адәмләр өлгән вә яриланған. Йәнә бир партлаш иран әлчиханисиниң алдида йүз бәргән. Бу партлашлар йүз бәргән җайға йәнә германийә вә мисир консулханилириму йеқин болған.

Б б с ниң хәвиридә көрситилишичә, бу қетимқи партлашларниң бири хитайниң бағдаттики әлчиханиси вә шинхуа агентлиқиниң ишханисиниң йенида йүз бәргән болуп, шинхуа агентлиқиниң ишханиси бинаси мәлум дәриҗидә зиянға учриған болсиму, бирақ һазирчә хитай тәрәпниң адәмлириниң яриланған яки өлгәнлики һәққидә учур йоқ.

Бу қетимқи үч җайда йүз бәргән арқиму - арқа партлаш вәқәсиниң әмәлгә ешиши үчүн илгири - кейин бир қанчә минутла кәткән болуп, партлаш зәрбиси күчлүк болған, шәһәр мәркизидин қоюқ ис көтүрүлгән.

Кейинки вақитларда бағдаттики өзини өлтүрүш характерлиқ партлитиш вәқәлири азийип, вәзийәтниң бир қәдәр тинчланғанлиқи хәвәр қилинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт