Хәлқара кәчүрүм тәшкилати, хитайниң “5‏-июл вәқәси” йүз берип икки йилдин кейинму уйғурларни давамлиқ бастуруватқанлиқини тәнқид қилди

Хәлқара кәчүрүм тәшкилати “5‏-июл вәқәси” ниң икки йиллиқи мунасивити билән җүмә күни баянат елан қилип, “5‏-июл вәқәси” йүз берип икки йилдин кейинму, хитай һөкүмитиниң ипадә әркинликини вә чәтәл билән учур-алақә қилған уйғурларни давамлиқ бастуруватқанлиқини тәнқид қилди.
Мухбиримиз әркин
2011-07-01
Share

Хитайни өзиниң ипадә әркинлики вә йиғилиш әркинлики һоқуқини қолланған уйғур тутқунлирини, җүмлидин хитай түрмисидики мәмәтҗан абдулла, ғәйрәт нияз, дилшат пәрһат вә әршидин исраил қатарлиқ кишиләрни дәрһал қоюп беришкә, уйғурларниң юқириқи саһәләрдики әркинлик һоқуқиға һөрмәт көрситишкә чақирди.

Хәлқара кәчүрүм тәшкилати юқирида тилға елинған түрмидики уйғур тутқунлириниң әһвалини тонуштуруп, “хитай һөкүмити өз пикрини тинч йоллар билән ипадилигән яки даириләр сәзгүр, дәп қариған учурларни ашкарилиған шәхсләрни “террорчилиқ” билән әйибләп, вәһимилик кәйпият яратмақта вә бу арқилиқ уйғурларниң кишилик һоқуқ дәпсәндичиликигә учраватқанлиқиға даир учурларни тамамән тосушқа урунмақта” дәп тәкитлигән.

Хитай һөкүмити йеқинда маралбешилиқ деһқан яш мәхмут аблимитни чәтәлдики дости билән алақә қилғанлиқи үчүн “бөлгүнчилик” билән әйибләп тутқун қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт