ساقچىلارنىڭ بىلدۈرۈشىچە، ھويلىدا ئېغىرلىقى 50 كىلوگرام كېلىدىغان سۇيۇقلاندۇرۇلغان گاز قاچىلانغان باكتىن 15 ى بار بولۇپ، بۇ باكلارنىڭ 4 ى پارتلىغان. پارتلاشتىن كېيىن مەيدانغا كەلگەن ھارارەت تۈپەيلى زاۋۇتتىكى خۇرۇملارنىڭ 90 پرسەنتى كۆيۈپ كەتكەن.
خوڭكوڭدا چىقىدىغان مىڭ باۋ گېزىتىنىڭ خەۋەر قىلىشىچە، زاۋۇت ئىگىسى ئەينى ۋاقىتتا قاتتىق پارتلاش ئاۋازى چىقىپ، ئەتراپنى بىردىنلا ئوت يالقۇنلىرى قاپلاپ كەتكەنلىكىنى، ئەمما ئۆزىنىڭ بۇنىڭ سەۋەبىنى بىلمەيدىغانلىقىنى بايان قىلغان.
ۋەقەدە يارىلانغان 12 كىشى ھازىر بايىنغۇلىن ئوبلاستلىق خەلق دوختۇرخانىسىدا جىددىي قۇتقۇزۇلماقتا ئىكەن.