Xelq'ara Uyghur medeniyet merkizi washin'gtonda resmiy xizmet bashlidi

Xelq'ara Uyghur medeniyet merkizi washin'gtonda resmiy xizmet bashlidi. Mezkur merkez amérikining washin'gton shehiri etrapida yashaydighan Uyghur jama'itining küch chiqirishi bilen Uyghur medeniyitini keng tonutush, chet'ellerde jümlidin amérikida yashawatqan Uyghurlar we ularning perzentlirige medeniyet, tarix, örp-adet saheliride yardem bérish arqiliq, Uyghur medeniyitini qoghdash meqsitide qurulghan.
Muxbirimiz irade
2013.01.29

Mezkur merkezning bügün amérika Uyghur jem'iyitining tor bétide élan qilghan uqturushidin melum bolushiche, mezkur merkez amérika, qazaqistan, qirghizistan qatarliq döletlerdiki péshqedem ziyaliylar, bolupmu ijtima'iy pende yétishken ziyaliylar bilen hemkarlashqan asasta amérikida yashawatqan Uyghur jama'etlirige her xil medeniy pa'aliyet soruni hazirlap bérish, balilargha mektep échish, yashlarni yéteklesh, resim, kitab we yighin, muhakime pa'aliyetliri uyushturush qatarliq xizmetler bilen shughullinidiken.

Xelq'ara Uyghur medeniyet merkizi ikki yil ilgiri qurulghan we pa'aliyet orni üchün washin'gton etrapidin 109 mo yer we bir bina sétiwalghan bolup, asasiy qurulush pilanlirini aldimizda yillarda emeliyleshtürmekchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.