Бағлири мәҗбурий сетивелинған турпанйүзи деһқанлири әрз қилмақта

Ғулҗа наһийисиниң турпанйүзи йезисидики деһқанларниң инкас қилишичә, бултур һәм алдинқи йиллири йезилиқ һәм наһийилик һөкүмәтниң мәҗбурлиши нәтиҗисидә, өз бағлирини бейҗиң чиңхуа ширкитигә сетип беришкә мәҗбур болған турпанйүзи йезисидики 15 аилилик деһқан уйғур аптоном районлуқ әрзийәт ишханисиға коллектип әрз қилған.
Мухбиримиз меһрибан
2011-01-27
Share

Улар өз әрзлиридә йезилиқ һәм наһийилик һөкүмәтниң деһқанларниң бағлирини әрзан баһада хитай ширкәтлиригә сетип бериш арқилиқ, оттуридин нәп алғанлиқини әрз қилған.

Турпанйүзи йезисидики деһқанларниң билдүрүшичә, икки йил илгири чиңхуа ширкити турпанйүзи йезисидики бағларни сетивелип, бу җайда истираһәт бағчиси һәм меһманхана қурмақчи болғинида, турпанйүзи йезисидики деһқанларниң қаттиқ наразилиқиға дуч кәлгән. Әмма, йезилиқ һәм наһийилик һөкүмәтниң деһқанларға қайта-қайта бесим қилиши нәтиҗисидә, бәзи деһқанлар бағлирини әрзан баһада чиңхуа ширкитигә сетип беришкә мәҗбур болған.

Илгири, турпанйүзи деһқанлириниң бағлирини хитай ширкитигә сетип беришкә нарази болғанлиқи һәм беғини сетишни рәт қилған нури исимлик деһқанниң йезилиқ һөкүмәт даирилиригә наразилиқ билдүрүш җәрянида қаттиқ хапилиқ сәвәбидин кесәл болуп, туюқсиз вапат болғанлиқи һәққидики мәлуматлар елан қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт