Хитай иқтисади саһәдики мәмури тәкшүрүш басқучлирини аддийлаштуридиғанлиқини елан қилди

Хитай дөләт кабинети бүгүн йәни чаршәнбә күни йиғин ечип, иқтисади саһәгә қаритилған бир қисим мәмури тәкшүрүш чарилирини әмәлдин қалдуруш яки аддийлаштурушни қарар қилди.
Мухбиримиз шөһрәт һошур
2012-08-22
Share

Хитайчә б б с ниң хәвәр қилишичә, хитайда алтә пәсилдин бери көрүлүватқан иқтисадий тәрәққияттики астилаш нәтиҗисидә елинған бу қарар, хитайда дөләт игиликидики ширкәт вә карханилар монопол қиливалған иқтисади саһәләргә, коллектип вә шәхсий игиликтики ширкәт вә карханиларниңму мәбләғ селишиға йол ечишни мәқсәт қилған.

Хәвәрдә билдүрүшичә, мәзкур ширкәт-карханиларға қарита мәмури тәкшүрүшниң әмәлдин қалдурулуши яки аддийлаштурулуши, һөкүмәтниң иқтисадий саһәдин қолини тартиши һесаблиниду. Бәзи көзәткүчиләр мәзкур қарарни иқтисадий қанунийәтләрниң мәҗбурлишида бесилған демократик бир қәдәм дәп қариса, йәнә бәзи көзәткүчиләр хитайда қарар елиш билән қарарни иҗра қилишиниң айрим-айрим икки иш икәнликини, шуңа бу қарарниң әмәлий үнүмигә гуман билән қарайдиғанлиқини билдүрүшмәктә.

Мәлум болушичә, хитай дөләт кабинети, мәзкур йеңи қарарини әң аввал гуаңдуң өлкисидә синақ тәриқисидә йолға қоюшни бекиткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт