'Муһәббәтниң он шәрти' америка дөләт мәҗлиси залида көрситилмәкчи

10 - Феврал америкида қоюлмақчи болған " муһәббәтниң он шәрти" намлиқ һөҗҗәтлик филим һаварайи сәвәбидин кечиктүрүлди. Әмма филимниң қачан қоюлидиғанлиқи һазирчә бекитилмиди.
Мухбиримиз җүмә
2010.02.09

"Муһәббәтниң он шәрти" намлиқ һөҗҗәтлик филимдә уйғур миллий һәрикити йетәкчиси рабийә қадир ханимниң һаяти - паалийити вә униң кишилик һоқуқ көрүши йолида чәккән җәбри - җапалири тәсвирләнгән.

Америка демократийини илгири сүрүш җәмийити тарқатқан бу һәқтики еланға қариғанда, филимни көрситиш паалийитини америка дөләт мәҗлиси том ләнтос кишилик һоқуқ комитети бирликтә уюштурған. Паалийәткә америка дөләт мәҗлиси әзалиридин җим мкговәрн, франк волф қатарлиқларму иштирак қилидикән.

Уқтурушта көрситишичә, рабийә қадир ханим филимни қоюш мурасиминиң ечилиш нутиқини сөзләйдикән. Филим 10 - феврал чаршәнбә күни кәч саәт 5 дә, америкида дөләт мәҗлиси ишхана биналиридин бири болған райбурн сарийиниң 318 - номурлуқ залида көрситилмәкчи иди. Әмма филимниң қачан қоюлидиғанлиқи һазирчә бекитилмиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.