ئۇيغۇر ئېلىدە بۇلتۇر 177 شىركەت مۇھىتنى ئېغىر دەرىجىدە بۇلغىغان

خىتاينىڭ تەڭرىتاغ تورىنىڭ 8-يانۋار خەۋىرىدىن مەلۇم بولۇشىچە، 2012-يىلى ئۇيغۇر ئاپتونوم رايونىدا 177 شىركەتنىڭ مۇھىتنى ئېغىر دەرىجىدە بۇلغىغانلىقى ئاشكارىلانغان بولۇپ، مۇھىتنى بۇلغىغانلىقى ئۈچۈن قويۇلغان جەرىمانە 500 مىليون خەلق پۇلىدىن ئېشىپ، 2011-يىلدىكىدىن 40.5 % كۆپەيگەن.
مۇخبىرىمىز مېھرىبان
2013.01.08

2009-يىلى ئۈرۈمچىدە يۈز بەرگەن 5-ئىيۇل ۋەقەسىدىن كېيىن، خىتاي مەركىزى ھۆكۈمىتى شىنجاڭ خىزمەت يىغىنى ئېچىپ، رايوننىڭ بايلىقىنى خىتاينىڭ 19 ئۆلكىسىدىكى شىركەتلەرگە ئېچىش ئۈچۈن بۆلۈپ بەرگەندىن كېيىن، تۈركۈم-تۈركۈم خىتاي شىركەتلىرى ئۇيغۇر رايونىغا يەرلەشكەن ھەمدە كان بايلىقلىرىنى قالايمىقان قېزىش، ئوتلاق، ئورمانلارنى ئىگىلەش ئەۋج ئالغان ئىدى.

رايوندىكى بايلىق مەنبەلىرىنىڭ خىتاينىڭ ئۇيغۇر ئېلىگە يەرلەشكەن شىركەتلىرى تەرىپىدىن قالايمىقان ئېچىلىشى ھەم يەرلىكلەرنىڭ تېرىلغۇ يەر، يايلاق، ئۆي زېمىنلىرى مەجبۇرىي ئىگىلىۋېلىنىپ زىيادە كۆپ قۇرۇلغان زاۋۇت-كارخانىلار سەۋەبىدىن رايوننىڭ مۇھىتى ئېغىر دەرىجىدە بۇلغىنىشى رايوندىكى ئۇيغۇر قاتارلىق يەرلىك خەلقلەرنىڭ نارازىلىقىنى قوزغاپ، چەتئەللەردىكى ئۇيغۇر تەشكىلاتلىرىنىڭ قاتتىق ئەيىبلىشىگە ئۇچرىغان ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.