مۇقىملىق تەشۋىقاتىنى ئۆز ئىچىگە ئالغان خىزمەتلەر ئۈچۈن 42 مىڭ كادىر ئىشقا سېلىندى

شىنجاڭ ئۇيغۇر ئاپتونوم رايونلۇق كوممۇنىستىك پارتىيە كومىتېتى مۇقىملىق تەشۋىقاتىنى ئۆز ئىچىگە ئالغان خىزمەتلەر ئۈچۈن 42 مىڭ كادىرنى ئىشقا سالماقتا. بۇ خىزمەت بۇ يىل 2 - ئايدىن تارتىپ باشلىنىپ، 11 - ئايغىچە داۋاملىشىدىكەن.
مۇخبىرىمىز ئۈمىدۋار
2012-03-25
ئېلخەت
پىكىر
Share
پرىنت

شىنخۇا ئاگېنتلىقىنىڭ شىنجاڭ گېزىتىدىن كۆچۈرۈپ تارقاتقان بۇ ھەقتىكى ئۇچۇرىدا بايان قىلىنىشىچە،ھازىرغىچە 42 مىڭ 283 نەپەر ساپاسى ياخشى، قوش تىللىق كادىر 9412 خىزمەت گۇرۇپپىسىغا بۆلۈنۈپ، پۈتۈن ئۇيغۇر ئېلى دائىرىسى بويىچە، شەھەر، ناھىيە، يېزا، مەھەللە ۋە مەكتەپلەرگە بېرىپ، ئومۇميۈزلۈك تەشۋىقات ۋە تەربىيىلەش خىزمىتىنى باشلىغان.

ئۇلارنىڭ خىزمەتلىرىنىڭ ئاساسلىق نىشانى مۇقىملىققا قارىتىلغان بولۇپ، مۇقىملىقنى قوغداش بىرىنچى ۋەزىپە قىلىپ بېكىتىلگەن. خىزمەت گۇرۇپپىلىرى بەزى جايلاردا ئۆيمۇ - ئۆي كىرىپ، نوپۇس ئەھۋالىنى ئېنىقلىغان بولۇپ، ئىجارىگە بېرىلگەن ئۆيلەردە تۇرىۋاتقانلار تەكشۈرۈلگەن.

بۇ، 2009 - يىلىدىكى 5 - ئىيۇل ئۈرۈمچى ۋەقەسىدىن كېيىن ئېلىپ بېرىلغان كەڭ كۆلەملىك تەشۋىقات پائالىيىتى ھېسابلىنىدۇ.

پىكىرلەر (0)
Share
تولۇق بەت