Bu yil xitaydin 13 ming musulman hejge baridu

Xitaydin bu yil Uyghur we tungganlarni öz ichige alghan 13 ming 800 musulmanning hej qilidighanliqi bildürüldi. Shinxu'a axbarat agéntliqining ilgiri sürüshiche, tunji türkümdiki hejichiler 25‏-séntebirdin bashlap yolgha chiqqan.
Muxbirimiz erkin
2012.10.05
Share on WhatsApp
Share on WhatsApp

Shinxu'a agéntliqining gensu diniy ishlar da'irilirining sözini neqil keltürüp bergen bir xewiride, bu yil gensu ölkisidin 2721 neper musulmanning hejge baridighanliqini bildürgen. Biraq meyli xitay axbarat wasitiliride bolsun yaki Uyghur aptonom rayoni metbu'atlirida bolsun, bu yil hej qilidighan 14 minggha yéqin musulmandin zadi qanche kishining Uyghur ikenliki tilgha élinmighan.

Xitayning hej siyasiti izchil kishilik hoquq organliri, amérika dölet ishlar ministirliqi we chet'eldiki Uyghur teshkilatlirining tenqidige uchrap keldi.

Ularning ilgiri sürüshiche, xitay Uyghurlargha her xil hej cheklimisi qoyup, tarqaq hej qilishni men'i qilghan. Hökümet uyushturghan teshkillik hej pa'aliyetliride Uyghurlargha san cheklimisi qoyulup, hajilarning hej pa'aliyitini qattiq kontrol qilghan.

Se'udi erebistanda olturushluq Uyghur muhajirlirining ashkarilishiche, Uyghur hejichilerge xitay dölet bixeterlik nazaritining xadimliri hemrah bolup kélip, Uyghurlarning yürüsh-turushini nazaret qilish, pasportini yighiwélish, ularning bashqa Uyghurlar bilen uchrishishni cheklesh qatarliq pa'aliyetlirini nazaret qilishqa mes'ul bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.