Норвегийидики 77 кишиниң қатили андрес биривиккә 21 йиллиқ қамақ җазаси һөкүм қилинди

2011-Йили 21-июл күни норвегийидә 77 кишиниң өлүмигә сәвәб болған андрес беһриң биривик инсанийәткә қарши җинайәт ишләш билән әйиблинип, бүгүн 24-авғуст күни 21 йиллиқ қамақ җазасиға һөкүм қилинди.
Мухбиримиз меһрибан
2012-08-24
Share

Хәвәрләрдин мәлум болушичә, андрес бирик үстидин һөкүм чиқиришқа қатнашқан 5 нәпәр сотчи мухбирларниң зияритини қобул қилип, андерс бирикниң, қатиллиқ қилған чеғида әқли-һушиниң сәгәк икәнликини, һәмдә 77 кишини өлтүргәнликини етирап қилип, наразилиқ әрзи бәрмәйдиғанлиқини билдүргәнликини дегән.

Мәлум болушичә, норвегийә қанунида өлүм җазаси һәм муддәтсиз қамақ җазаси йоқ болуп, андресқа берилгән 21 йиллиқ қамақ җазаси норвегийә қанунидики әң еғир җаза һесаблинидикән. Сотчилар андерисни җаза муддитини өтәш җәрянида ялғуз камерда йетишқа һөкүм қилған. Сот даирилири йәнә әгәр андерсниң җаза муддити мәзгилидә давамлиқ һалда җәмийәткә зиянкәшлик қилиш муддаси байқалса,униң җаза муддитиниң қәрәлсиз узартилидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт