12-Dékabir oqughuchilar namayishining 27 yilliqi xatirilendi

Eyni chaghdiki oqughuchilar herikitini teshkilligüchiler we shu qétimqi oqughuchilar herikitining qatnashchiliridin bügünki künde gherb démokratik döletliride pa'aliyet élip bériwatqan Uyghur kishilik hoquq aktipliri tor béketliride maqale élan qilip eyni chaghdiki oqughuchilar démokratik herikitini xatirilidi.

Amérika Uyghur uyushmisining tor békitide Uyghur kishilik hoquq pa'aliyetchisi memet toxti ependining eyni waqittiki oqughuchilar herikiti heqqide yazghan eslimisi élan qilindi.

Dunya Uyghur qurultiyi bash katipi nurmuhemmed musabay ependi bügün radi'omiz Uyghur bölümining ziyaritini qobul qilip, 1985-yildiki oquchilar démokratik herikiti heqqide toxtaldi. Nurmuhemed musabay ependi eyni chaghda oqughuchilar wekilliri otturigha qoyghan 6 telepning ehmiyiti heqqide toxtilip, shu qétim oqughuchilar otturigha qoyghan heqqaniy teleplerning1991-yildiki barin inqilabi, 1998-yildiki ili yashliri qozghighan 5-féwral weqesi qatarliqlarda qayta otturigha qoyulghanliqini bildürüp, chet'ellerde Uyghur dewasi élip bériwatqan Uyghur pa'aliyetchiliri sépide ashu qétimliq oqughuchilar herikiti qatnashchilirining bügünki kündimu özining awan'gartliq rolini jari qildurup kéliwatqanliqini b tekitlidi.

1985-Yildiki 12-dékabir oqughuchilar herikitining teleplirini yighinchaqlighanda 6 türlük bolup, ular 1. Shinjangda démokratiyini ilgiri süreyli, démokratik asasta saylam élip barayli! 2. Shinjangning milliy ma'aripini yükseldüreyli! 3. Shinjangda (lopnurda) atom bombisi siniqi élip bérishni toxtitayli! 4. Shinjanggha köchmen yötkeshni toxtitayli! 5. Shinjangdiki yerlik milletlerge qarita yürgüziliwatqa pilanliq tughut siyasitini emeldin qaldurayli! 6. Shinjangning ékologiyilik muhitini qoghdayli! dégen sho'arlardin ibaret.

Bu sho'arlar eyni chaghda xelq meydanigha yighilghan nechche minglighan studéntlar we ottura mektep oqughuchiliri teripidin kocha aylinip namayish qilish jeryanida towlan'ghan hem shu qétimqi oqughuchilar namayishini teshkilligüchi  waris qatarliq oqughuchilar mekteptin heydilip, namayishqa qatnashqan oqughuchilarning arxipigha gunah yézilip ular her xil shekillerde jazalan'ghan idi.