Ош вә бешкәктә қирғизлар намайиш қилип, җәнубий қирғизистанда хәлқара сақчи қисим орунлаштурушқа қарши чиқти

Чаршәнбә күни қирғизистанниң бешкәк вә ош шәһәрлиридә бир қисим қирғизлар намайиш қилип, явропа бихәтәрлик һәмкарлиқ тәшкилати сақчи қисимлирини җәнубий қирғизистанға киргүзүп, тәртип сақлаш пиланиға қарши чиқти.
Мухбиримиз әркин
2010.08.11
Share on WhatsApp
Share on WhatsApp

Чаршәнбә күни тәхминән 300 кишилик намайишчи қирғиз ош шәһиридә топлинип, явропа бихәтәрлик‏ - һәмкарлиқ тәшкилати сақчи қисимлириниң ош шәһиригә орунлаштурулушиға қарши икәнликини ипадилигән. Шу күни бешкәк шәһридиму оқуғучиларни асас қилған тәхминән 30 кишилик намайиш йүз берип, хәлқара сақчи қисими орунлаштуруш пиланиға наразилиқ билдүргән.

Бишкәктики намайишниң бир оқуғучилар вәкили хәлқара сақчи қисими орунлаштуруш пиланиға қарши туруш сәвәбини чүшәндүрүп, "қирғиз хәлқи косова һадисисиниң тәкрарлинишидин әнсирәйдиғанлиқи" ни билдүргән.

Лекин, қирғизистан өткүнчи һөкүмити ичидә хәлқара сақчи қисими орунлаштуруш пиланиға нисбәтән охшимиған пикирләр мәвҗут. Өткүнчи һөкүмәт әзаси азимбек бекнәзәроф бу пиланға қарши икәнликини билдүргән. Өткүнчи һөкүмәт президенти роза отунбайева бу пиланни қоллиғучиларниң бири болуп, у 10 ‏ - өктәбирдә парламент сайлими елип берилидиғанлиқини җакарлиди.

Хәвәрләргә қариғанда, 52 кишилик хәлқара сақчи әтрити бу ай ичидә ош қатарлиқ җайларға орунлишип, сайлам җәрянидики тәртипни сақлашқа һәмкарлишидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.