Qaramayda néfit ishchilirining namayish qilish weqesi yüz bergen

Peyshenbe küni Uyghur élining qaramay shehiride néfit ishchilirining namayish qilish weqesi yüz bergen bolup, 200 din artuq néfitchi "shinjang néfit bashqurush idarisi" ning xizmet binasi aldida jim olturuwalghan.
Muxbirimiz erkin
2009-04-24
Share

Radi'omizning igilishiche, ishchilar néfit bashqurush idarisi da'irilirining ishchilarni xizmet ornidin ayrilishqa maqul qilishta aldamchiliq wasitilirini qollinip, ishchilarni xizmet stajini sétishqa qaymuqturghanliqigha naraziliq bildürgen.

Weqege qatnashqan bir namayishchi peyshenbe küni radi'omizgha bergen melumatida namayishning charshenbe küni bashlan'ghanliqini, peyshenbe küni 2 ‏- künige qedem qoyghanliqini bildürgen idi. Namayish jüme küni yene dawamlashqan, lékin da'irilerning ishchilargha qandaq jawab bergenliki melum emes.

Lékin, radi'omizgha melumat bergen lyu famililik yuqiriqi namayishchi ishchilarni qaymuqturup, stajini sétishqa mejburlash weqesining 8 ming neper ishchigha chétilidighanliqini bildürgen.

Yuqiriqi ishchi yene junggo néfit shirkiti 5 yil ichide 3% ishchini qisqartishni otturigha qoyulghan bolsimu, lékin qaramayda 30% ishchining qisqartilmaqchi bolghanliqini ilgiri sürgen. Lékin qaramay sheherlik hökümet ishxanisidiki da'iriler bolsa weqe toghrisida toxtitlishtin özini qachurghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet