Jenubiy junggo heptiliki peyshenbe küni qaytidin neshr qilinishqa bashlidi

Jenubiy junggo heptilik gézitining yéngi yilliq tebrik maqalisi shu yerlik teshwiqat tarmaqliri teripidin ruxsetsizla özgertilip, eslide islahat chaqiriqi qilin'ghan maqale kompartiyige oqulghan medhiyige aylandurup qoyulghandin kéyin, gézitning tehri, muxbirlirining qattiq naraziliqini qozghap, naraziliq herikiti bashlighan idi. Kéyin bu heriketni qollighuchilarning sani éship, xitayda nahayiti az körülidighan bir axbarat erkinliki namayishigha aylan'ghan idi.

Emma fransiye agéntliqining xewirige qarighanda, gézitning tehrir we muxbirliri yerlik kompartiye teshwiqat da'iriliri bilen kélishim hasil qilip, ulardin gézit élan qilinishtin awwal uningdiki mezmunlarni nazaret qilmasliq we xalighanche özgertmeslik heqqide wede alghandin kéyin ish ornigha qaytqan we peyshenbe küni ishqa kirishken.

Bügünki bash maqalide, xitaydiki intérnét qollan'ghuchilirining nahayiti téz köpiyiwatqanliqini, xitayning emdi jama'et pikrini kontrol qilish usulini yéngilishi kéreklikini eskertken we “Xitay lilla gep qilidighan janliq bir axbaratchiliqqa éhtiyajliq” dégen.

Béyjing tashqi munasiwetler uniwérsitétining proféssori min jyang fransiye agéntliqigha qilghan sözide jenubiy junggo heptiliki gézitining bu namayishigha baha bérip “Xitayda axbaratchiliqining hökümettin musteqil bolushi mumkin bolmisimu, emma bu heriket uning kontrolluqigha cheklime qoyushta bir ülge yaritip berdi” dégen.