Rabiye qadir xanim heqqidiki filim teybéydimu qoyulidu

Teywen teybéy medeniyet da'iriliri 21 - séntebir düshenbe küni, "muhebbetning on sherti" ning teybéydimu qoyulidighanliqini uqturdi. Shuning bilen, xitay da'irilirining bésimigha qarimay Uyghur milliy herikiti yétekchisi rabiye qadir xanim heqqide ishlen'gen mezkur filimni teywende körsitidighan sheherler ikkige yetti.
Muxbirimiz jüme
2009.09.21

Uyghur milliy herikiti rehbiri rabiye qadir xanim heqqide ishlen'gen höjjetlik filim "muhebbetning on sherti" teywenning gawshyong kino féstiwalida qoyulidighanliqi qarar qilin'ghandin kéyin, xitay da'irilirining qattiq naraziliqni qozghighan idi. Xitay terep gawshyong shehiride mezkur filimni qoymasliq heqqide munasiwetlik da'irilerge tehdit ishletken idi.

Halbuki, gawshyong shehirining sheher bashliqi, öz shehirining tereqqiyperwer we kishilik hoquq shehiri ikenliki, peqet béyjing da'irilirining qarshiliqi tüpeylidinla mezkur filimni qoyushni cheklise sheherning obrazi we ornigha nuqsan yétidighanliqini ilgiri sürgen.

21 - Séntebir düshenbe küni, teybéy sheherlik medeniyet merkizining diréktori wu teyping " muhebbetning on sherti"ni nurghun ademning sürüshte qilghanliqi, shunga mezkur filimni teybéydimu körsitishni pilan qilghanliqini bildürgen. U bu heqte toxtilip: "biz bu filimni mumkin qeder jiq körsitimiz" dégen.

"Muhebbiting on sheriti" awstraliye mélburn filim féstiwalida qoyulghandin kéyin, teywen gawshyong kino féstiwalidimu qoyulush qarar qilin'ghan hemde xitay xakkérliri gawshyong kino féstiwalining tor bétige intérnét hujumi qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.