Хитай даирилири ашпузулни бир күн тақиғанларниң бир йиллиқ тиҗаритини тохтитидиғанлиқини билдүрди

Даириләр бу йил роза тутмаслиқ һәққидики тәшвиқат һәм чәклимилирини йиллардикидин күчәйткән болуп, йеқинда радиомиз зияритини қобул қилған уйғурлар җәнубий уйғур елидики бир қисим наһийиләрдә партийә әзаси, һөкүмәт хизмәтчилири һәм оқутқучи-оқуғучиларниң роза тутмаслиқ һәққидики келишимгә имза қойғанлиқи һәмдә хотән қатарлиқ җайларда кишиләрни роза тутушқа дәвәт қилмаслиқ, балиларниң рамзан қошиқи ейтмаслиқи тәләп қилинғанлиқини билдүргән иди.

Чәтәлләрдики уйғур тәшкилатлиридин дуня уйғур қурултийи баянатчиси дилшат ришит радиомизға бәргән баянатида, хитай даирилириниң уйғурларға қаратқан бастурушида диний етиқад чәклимисини барғанчә күчәйтиватқанлиқини әйибләп, бу әһвалға хәлқара җәмийәтниң җиддий инкас қайтуруши керәкликини тәкитлиди.