ئامېرىكا ئاۋازىنىڭ خەۋەر قىلىشىچە، يېقىندا پۇتىن پرېزىدېنت سايلىمىدا غەلىبە قىلغاندىن كېيىن، دالاي لاما ئۇنى تەبرىكلىگەن ئىدى. رۇسىيىدىكى تىبەتنى ھىمايە قىلىدىغان تەشكىلاتلار ۋە جامائەت 4 - ئاي ئىچىدە موسكۋادىكى پۇشكىن مەيدانىدا يىغىلىش ئۆتكۈزۈپ، تىبەتلەرنىڭ ئۆزىنى كۆيدۈرىۋېلىش ۋەقەلىرى ۋە دالاي لامانىڭ رۇسىيە زىيارىتى ھەققىدە جامائەت پىكرى ھاسىل قىلىشنى پىلانلىغان.
ئىلگىرى رۇسىيە ھۆكۈمىتى خىتاي بىلەن مۇناسىۋەتنى دەپ دالاي لامانىڭ رۇسىيىگە كېلىشىنى توسۇپ ۋىزا بەرمىگەن ئىدى. رۇسىيىدىئىكى قالماقىيە، بۇرىياتىيە ۋە تۇۋا جۇمھۇرىيەتلىرى لاما دىنىغا ئىشىنىدىغان جۇمھۇرىيەتلەردۇر. بۇلارنىڭ ئاھالىلىرى دالاي لامانىڭ ئۆز جۇمھۇرىيەتلىرىگە كېلىشىنى كۈتمەكتە ئىكەن.