شەنشى ئۆلكىسىدە يۈزلىگەن كىشىلەر قوغۇشۇندىن زەھەرلىنىشنى كەلتۈرۈپ چىقارغان خىمىيە زاۋۇتىغا بېسىپ كىردى

خىتاينىڭ شەنشى ئۆلكىسىدە، يۈزلىگەن پۇقرالار نامايىش قىلىپ، قوغۇشۇندىن زەھەرلىنىشنى كەلتۈرۈپ چىقارغان خىمىيە زاۋۇتىغا بېسىپ كىردى.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009-08-17
Share

بىرلەشمە ئاگېنتلىقىدا كۆرسىتىشىچە، نامايىش 17 - ئاۋغۇست دۈشەنبە كۈنى يۈز بەرگەن. بىر نەچچە يۈز نامايىشچى، يوللارنى توسۇپ، سىم توسۇقلارنى چۇۋۇپ دۇڭلىڭ قوغۇشۇن ۋە سىنك ئېرىتىش زاۋۇتىغا باستۇرۇپ كىرگەن.

خەۋەرلەرگە قارىغاندا، نامايىش، ئۆتكەن ھەپتە شەنشى ئۆلكىسى فېڭشىياڭ ناھىيىسىدە 615 ئۆسمۈرنىڭ قوغۇشۇندىن زەھەرلەنگەنلىكى، بۇلارنىڭ ئارىسىدا 154 نەپىرىنىڭ ياتاققا ئېلىنغانلىقى ھەققىدىكى خەۋەر ئاشكارىلانغاندىن كېيىن مەيدانغا كەلگەن.

100 دىن ئارتۇق ساقچى ھەرىكەتكە كەلتۈرۈلگەن ۋە باۋجى شەھىرىنىڭ باشلىقى نامايىشنى بېسىقتۇرۇشقا كەلگەن. ھازىرچە نامايىشتا يارىلانغان ياكى قولغا ئېلىنغانلار ھەققىدە تەپسىلىي مەلۇمات يوق.

خىتاي مەركىزىي تېلېۋىزىيىسىنىڭ خەۋىرىگە قارىغاندا، زەھەرلىنىشنى مەزكۇر ناھىيىگە جايلاشقان 100 مىڭ توننىلىق "دۇڭلىڭ قوغۇشۇن ۋە سىنك زاۋۇتى" كەلتۈرۈپ چىقارغان.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت