Франсийә ташқи ишлар министири: әгәр сүрийидики өктичиләргә ярдәм берилмисә, террорлуққа йол ечилиду

Америка авази радиосиниң хәвәр қилишичә, бүгүн парижда ечилған сүрийә достлири йиғинида, франсийә ташқи ишлар министири лаурәнт фабиус сүрийидики өктичиләргә ярдәм беришниң әһмийити һәққидә тохталған.
Мухбиримиз шөһрәт һошур
2013.01.28

У сөзидә “әгәр бүгүн сүрийидики өктичиләргә ярдәм берилмисә, районда қанлиқ қирғинчилиқ йүз бериду, нәтиҗидә террорлуқ вә радикаллиққа йол ечилиду” дегән. У, бу хил ақивәтниң алдини елиш үчүн сүрийидики өктичиләргә өзини қоғдиғудәк вә сиясий ғайисигә йәткүдәк дәриҗидә маддий вә мәниви ярдәмниң берилиши керәкликини әскәрткән.

Зулум билән террорлуқ арисидики мунасивәт хәлқара дипломатийидә талаш-тартиштики бир тема болуп, бәзи дөләтләр сәвәби немә болса болсун, террорлуқниң әпу қилинмаслиқи керәкликини оттуриға қойса, йәнә бәзи дөләтләр сәвәби немә болса болсун, кишиләрниң террорлуққа мәҗбурланмаслиқи керәкликини оттуриға қоюшмақта. Франсийә ташқи ишлар министириниң бүгүнки сөзидә, сүрийидики өктичиләрниң бәшар әсад һөкүмити тәрипидин террорлуққа мәҗбурлиниватқанлиқи ишарәт қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.