Тәйвән мустәқилчилири рабийә қадир ханимни тәйвәнгә қайта тәклип қилди

Тәйвәнлик артист Freddy Lim әпәнди башчилиқидики бир түркүм тәйвән мустәқилчилири уйғур миллий һәрикитиниң рәһбири рабийә қадир ханимни өткән һәптә тәйвәнгә қайта тәклип қилған.
Мухбиримиз шоһрәт һошур
2010.02.16

Тәйвән хәлқара радиосиниң җүмә күнидики хәвиридә баян қилинишичә, тәйвәндики "тәйвән бирлики үчүн күрәш" намлиқ тәшкилат өз тор бетидә баянат елан қилип рабийә қадир ханимни тәйвәнгә қайта тәклип қилғанлиқини тәрәпдарлириға уқтурған.

Хәвәрдә билдүрүлүшичә мәзкур тәшкилатниң башлиқи фрәдий лим әпәндим, өткән чаршәнбә күни вашингитонға келип рабийә ханимни тәйвәнгә қайта дәвәт қилған. У рабийә ханим билән көрүшкәндә өткән қетимда тәйвән һөкүмити виза беришни рәт қилған болсиму, тәйвән хәлқиниң көп қисминиң рабийә ханимни қоллайдиғанлиқини билдүргән вә бу қетим йәнә тәйвән хәлқини һәрикәткә кәлтүрүп, тәйвән һөкүмитини рабийә ханимниң йолини тосуштин ваз кәчтүрүдиғанлиқини билдүргән.

Хәвәрдә билдүрүлүшичә мәзкур тәшкилат бу йил март ейида тәйвәндә рабийә ханим һәққидики филим "муһәббәтниң 10шәрти" һәққидә DVD тарқитиш мурасими өткүзмәкчи.

Мәзкур тәшкилат рабийә ханимниң әнә шу мурасимға қатнишишини арзу қиливатқанлиқини билдүргән. Әмма һазирға қәдәр рабийә қадир ханим яки униң йетәклишидики тәшкилатлар рабийә ханимниң мәзкур тәклипни қобул қилған - қилмиғанлиқи һәққидә позитсийә билдүрмиди. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.