ۋەلليىس گرەگسىن: 'تەيۋەننى خىتاينىڭ ھۇجۇمىدىن قوغداش ئۈچۈن قورال سېتىپ بېرىمىز'

ئامېرىكا مۇداپىئە مىنىستىرلىقىنىڭ يۇقىرى دەرىجىلىك بىر ئەمەلدارى تەيۋەنگە قورال - ياراق سېتىپ بېرىشنى داۋام قىلىشىنىڭ سەۋەبىنى تەيۋەننى خىتاينىڭ ھۇجۇمىدىن قوغداش ئۈچۈن دەپ كۆرسەتتى.
مۇخبىرىمىز ﺋﯩﺮﺍﺩﻩ
2010-01-14
Share

ب ب س نىڭ خەۋىرىدىن مەلۇم بولۇشىچە، ئامېرىكا مۇداپىئە مىنىستىرلىقىنىڭ ئاسىيا - تېنچ ئوكيان ئىشلىرىغا مەسئۇل مۇئاۋىن مىنىستىرى ۋەلليىس گرەگسىن ئامېرىكا ئاۋام پالاتاسى ھەربىي ئىشلار كومىتېتىنىڭ ئىسپات ئاڭلاش يىغىنىدا قىلغان سۆزىدە، ھەربىي ئەسلىھەلىرىنى زامانىۋىيلاشتۇرۇش قەدىمىنى تىز سۈرئەت بىلەن ئاشۇرۇۋاتقان خىتاينىڭ تەيۋەن ۋە ئەتراپىدىكى باشقا قوشنا دۆلەتلەرگە ھەربىي جەھەتتىن تەھدىت پەيدا قىلىشىدىن ئەنسىرەۋاتقانلىقىنى بىلدۈردى.

ئۇ يەنە، ئامېرىكا - خىتاي ئوتتۇرىسىدىكى خاتا چۈشەنچىنىڭ ۋە سەۋەنلىكلەرنىڭ تەكرارلىنىشىنىڭ ئىككى دۆلەت ئارىسىدا تەھدىت ۋە توقۇنۇش پەيدا قىلىدىغانلىقىنى تەكىتلىدى.

ئىگىلىنىشىچە مەزكۇر يىغىندا يەنە، خىتاينىڭ ھەربىي كۈچىنىڭ ئېشىپ بېرىشى بىلەن تەيۋەن - خىتاي ئارىسىدا ھەربىي كۈچ جەھەتتە تەڭپۇڭسىزلىق مەيدانغا كېلىۋاتقانلىقى ئوتتۇرىغا قويۇلغان.

ئامېرىكا مۇداپىئە مىنىستىرلىقىنىڭ ئاسىيا - تېنچ ئوكيان ئىشلىرىغا مەسئۇل مۇئاۋىن مىنىستىرى ۋەلليىس گرەگسىن سۆزىدە يەنە، "خىتاينىڭ ھەربىي ئۇچۇرلىرى ئوچۇق - ئاشكارا ئەمەس. خىتاينىڭ مەقسىتىنىڭ زادى نېمىلىكى كىشىدە گۇمان قوزغايدۇ،"  دېگەن.

ئامېرىكا مۇداپىئە مىنىستىرلىقى يېقىندا تەيۋەنگە ۋەتەنپەرۋەر 3 تىپلىق باشقۇرۇلىدىغان بومبا سېتىپ بېرىشنى قارار قىلغان، خىتاي دائىرىلىرى بولسا قارارنى قاتتىق تەنقىدلەپ بۇنىڭ ئامېرىكىنىڭ مەنپەئەتىگە زىيان ئەپ كېلىدىغانلىقىنى ئېيتقان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.