Jeymis mkgowern maqale élan qilip, ürümchi namayishigha Uyghurlar sewebchi dep eyibleshke bolmaydighanliqini bildürdi

U maqaliside 25 - iyul washin'gton pochtisi gézitide élan qilin'ghan, "xitay hökümiti we Uyghur teshkilatliri topilang heqqide bergen melumatlar ziddiyetlik" namliq maqalide, ürümchi namayishida rabiye qadir xanimning xitay terep bilen oxshash salmaqta eyiblen'genlikidin qattiq bi'aram bolghanliqini bildürgen.

U maqaliside mundaq dégen: "bundaq sélishturma qilishning, kishilik hoquq uchurlirini amérika dölet mejlisi ezaliri bilen ortaqlishish tirishchanliqi üchün xitay türmiside 6 yil yatqan rabiye qadir xanimgha qanchilik éghir kélidighanliqini perez qilalaymen."
 
Mkgowern ependi maqaliside, awam palatasi tashqi ishlar komitéti ezaliri delil - ispat toplash üchün 2006 - yili Uyghur élige barghanda, xitay da'irilirining rabiye xanimning balilirini qolgha alghanliqini, mana buning kishilik hoquq pa'aliyetchiliri xitayda yoluqidighan qismetning delili ikenlikini körsetken.

25 - Iyul élan qilin'ghan yuqiriqi maqalide, xitay da'irilirining chet'el muxbirlirigha ürümchide erkin ziyaret qilish pursiti bergenlikini bayan qilghanliqini otturigha qoyghan mkgowern ependi:" eger xitay shundaq merd bolsa, némishqa birleshken döletler teshkilatining munasiwetlik kishilik hoquq organlirining ürümchide musteqil tekshürüsh élip bérishigha yol qoymaydu" dep so'al qoyghan.

Mkgowern ependi maqalining axirida " eger bayanlarda oxshimasliq bar déyilse sizning axbaratingizda bar" dégen hemde 25 - iyul élan qilin'ghan "xitay hökümiti we Uyghur teshkilatliri topilang heqqide bergen melumatlar ziddiyetlik" namliq maqalide ilgiri sürülgen pikirlerni ret qilghan.