Wang lijün amérika konsulxanisigha panahliq tilep kiriwalghan iken

Xitay hökümitining 19-séntebir ashkarilishiche, chungchingning sabiq saqchi bashliqi wang lijün eslide amérika konsulxanisigha panahliq tilep kiriwalghan iken.
Muxbirimiz jüme
2012.09.19
Share on WhatsApp
Share on WhatsApp

Melum bolushiche, wang lijün bo shileyning ayali gu keyleyning en'gliye puqrasi neyl heywudni qestlep olturush jinayitini yoshurup bolghandin kéyin, özining hayati bixeterlikidin ensirep qalghan we axiri amérika elchixanisigha bash urghan iken.

Shinxu'a agéntliqi bu heqte élan qilghan xewerlerge qarighanda, wang lijün panahliqni yazmiche matériyal tapshurup tiligen, emma bu amérika elchixanisining ret qilishigha uchrighan.

Wang lijün bu yil 6-féwral amérikining chéngdudiki konsulxanisigha kirgen we amérikining munasiwetlik xadimliri bilen körüshken idi. Amérika da'iriliri wangning amérika konsulxanisidin öz ixtiyarliqi bilen ayrilghanliqini ilgiri sürgen. Wang lijün amérika konsulxanisidin chiqip uzun ötmey iz-déreksiz ghayib bolghan. Shuningdin kéyin bo shiley textin ghulap chüshken, gu keyley adem öltürüsh jinayiti bilen eyiblen'gen idi.

Xitay da'iriliri 18-séntebir wang lijün ustidin sot achqan we uni “Asiyliq qilish”, “Hoquqni suyi'istémal qilish” qatarliq jinayetler bilen eyibligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.