Тйәнәнмен вәқәсидә америкиға қечип кәлгән өктичи ялған исим билән вәтинигә қайтти

1989 - Йилики тйәнәнмен вәқәсигә қатнишип, бейҗиң һөкүмити тәрипидин тутуш буйруқи чиқирилған әйни вақиттики бейҗиң сиясий қанун университетиниң лектори ву ренхуа йеқинда америка паспорти билән шаңхәйгә берип, өз юртидики анисини йоқлап, хитайда икки тәрәп турғандин кейин лос - анҗелсқа қайтип кәлгән.
Мухбиримиз үмидвар
2013.01.13


Әнглийә б б с агентлиқиниң хәвәр қилишичә, тйәнәнмен вәқәсидә чәтәлгә қечип кәткән даңлиқ оқуғучилар һәрикити рәһбәрлири өз вәтинигә қайтишқа рухсәт қилинмиған әһвал астида ву ренхуаниң хитайға берип келиши көп тәсир қозғиған. Ву ренхуа өзиниң қандақ усул билән хитайға барғанлиқини ашкарилиған болуп, у америка паспортиға инглизчә исим ишләткән, хитай чегрисидикиләр униңдин хитайчә исим тәләп қилғанда ялған исим қолланған һәмдә чегридин киришкә рухсәт қилинған.

Тйәнәнмен һәрикитиниң рәһбәрлиридин өркәш дөләт алдинқи йили юртиға қайтип, ата - анисини көрүшни тәләп қилғанда хитай рухсәт қилмиған, чәтәлләрдики хитай өктичилири вәтинигә қайтиш һәрикити қозғиған болуп, бейҗиң һөкүмити уларниң вәтинигә қанунлуқ қайтишини изчил рәт қилип кәлгән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.